شط الأحزان
يا بحر يا غالي
وموجك العالي
علته الأحزان
وبإيدك ايه يا غالي
م الناس كتير بتعاني
و ف شطك الأمان
يا شط الأحزان
جيتلك بأحلامي
أقولك على حالي
وأديتك الأمان
أخدت سري بعيد
قلتلي في بير غويط
وأما تلاقي الزمان
وتحتاجي الأحلام
تعالي لأمواجي
تعيد لك الأمان .. وتقولك ع اللي كان
ورجعت بعد زمان
أدور على حالي
لقيت البحر ساكن
صرخت بعزم ما في
وقلت يااااااا شط
فينها أحلامي
ما رد عليا صوت
ضاعت آمالي
أتاري البير غويط
غويط مالوش أرار
سرق أحلامي
الاثنين, 16 فبراير, 2009
أضف تعليقا
أضف تعليقا
<<الصفحة الرئيسية
